Ecenarro Ipar Amerika

Zure hotzeko estanpazioko
bazkidea Ipar Amerikan

Ecenarro | Global specialist in cold forging

Neurrira egindako teknologia

Ipar Amerikako gure lantaldeak eta ekoizpen-lantegiak Mexikori eta Ameriketako Estatu Batuei eskaintzen die zerbitzua, Europan indartsu egin gaituen ikuspegi berarekin: hotzeko estanpazio prozesuaren inguruko ezagutzaren garapenean espezializatzea, eta gure bezeroekin lankidetza-akordioak lortzea, haiengan espezializatzeko eta, horrela, haien eskakizunak betetzeko, haien arazoak konpontzeko eta haien diseinuak, prozesuak eta kostuak optimizatzeko.

Talde hurbila, zintzoa eta gardena gara, asmo handiko ikuspegi berritzaile eta ausarta duena, bezeroaren beharretara egokitzen dena eta garapen osoa modu lehiakorrean kudeatzen duena, prozesuaren diseinutik hasi eta pieza seriean entregatzeraino.

Jasangarritasunak gidatzen ditu gure epe laburrerako eta luzerako erabakiak, eta gauden lekuan gaudela arrasto positiboa utzi nahi dugu.

Gehiago jakin nahi duzu?

Ecenarro gara:
desberdintzen gara

Guri buruz

Globalak gara

Espainian eta Mexikon ditugu ekoizpen-lantegiak, eta hazten ari den marka gara. Salmenten % 69 Europan egiten ditugu, % 23 Ipar Amerikan eta % 8 beste herrialde batzuetan.

Arinak eta efizienteak gara

Berehala egokitzen gara aldaketetara, eta ingurune global dinamiko baterako soluzio efizienteak eskaintzen ditugu. Gainera, kalitate, ingurumen eta digitalizazioaren arloko azken ziurtagiriak ditugu.

Lehiakorrak gara

Gure ikuspegi estrategikoari eta produktuen garapenari esker, urtean % 6tik gorako hazkundea dugu.

Jasangarriak gara

Jasangarritasuna txertatuta dago gure DNA kooperatiboan. Bezeroengan, ingurumenean eta gizartean inpaktu positiboa duten soluzio iraunkorrak sortzen ditugu. Irabazien % 10 gizartea eraldatzeko ekimenetara bideratzen ditugu.

Berritzaileak gara

Gure I+Gko zentro propioa dugu eta fakturazioaren % 3,4 berrikuntzara bideratzen dugu, soluzio aurreratu eta pertsonalizatuak eskaintzeko.

Kooperatiboak gara

Ecenarro bere langileena da eta MONDRAGON korporazioko kide gara, hau da, 81 kooperatiba eta 70.000 pertsona baino gehiago biltzen dituen munduko industria-kooperatibarik handieneko kide gara.

Ipar Amerikan gugan uste osoa dute

Ipar Amerikarako
gure prozesuak

Prototipoak, simulazioa eta prozesu-diseinua

Simulazio- eta prototipo-prozesuen bidez, bideragarritasun fidagarriko analisi bat egiten dugu, eta analisi horrek arriskuak minimizatuko ditu, laginak eskaini eta merkaturatzearen fasetik serieko produkziora arte. Horretarako, ikasitakoa aplikatuta, sendotasuna eta fidagarritasuna emango zaio prozesuari.

Hotzeko estanpazioa

Gure estanpazio-makinek esfortzuak kontrolatzeko sistemak dituzte, eta, ad hoc garatutako digitalizazioarekin batera, kalitatea hobeto ziurtatzeko aukera ematen digute.

6 estazioko makinak

Bigarren mailako operazioak

CNC makinak, aurpegiketako, zulaketako, artekaketako, torneaketako eta barne-biraketarako prozesuak egiteko
Biraketarako eta moletatzeko makinak
Garbigailuak
% 100eko hautespenerako ikus-makina automatikoak
Eddy Current bidez arrailak detektatzeko makinak